ДУ ҚАЛЛОБӢ БА МАБЛАҒИ БУЗУРГ: ЯКЕ ҚАРИБ 10 МЛН СОМОНӢ, ЯКЕ 320 ҲАЗОР ДОЛЛАР

Мардони 36 ва 38-солаи сокинони шаҳри Истаравшан 10-уми сентябри соли 2022, бо роҳи фиреб ба боварии марди 36-солаи ҳамин шаҳр даромада, бо баҳонаи ба тиҷорат машғул шудан аз ӯ 9 миллиону 667 ҳазору 500 сомонӣ гирифта, ваъда додаанд, ки дар мӯҳлати кӯтоҳ онҳоро бармегардонанд, аммо то ҳол барнагардондаанд.

хххххххххххххххххх

Марди 65-солаи сокини ноҳияи Б.Ғафуров  соли 2021 бо роҳи фиреб ба боварии марди 45-солаи сокини шаҳри Хуҷанд даромада, ба ӯ 1-адад мағозаи 4-ошёнаи воқеъ дар шаҳри Хуҷандро, ки дар соҳибияташ буд ва ҳамчун гарав дар “Спитаменбонк” гузошта буд, ба маблағи 500 ҳазор доллар нархгузорӣ намуда, 320 ҳазор долларро аз сокини Хуҷанд гирифта, мағозаи мазкурро ба дигарон ба фурӯш баровардааст ва қарзи кредитии худро дар назди “Спитаменбонк” рӯйпӯш карда, маблағи пулии аз ҷабрдида гирифтаашро ба манфиати худ сарф намудааст.